தமிழ்லீடர்

தம்பதியினர் மீது கோடரியால் தாக்குதல் மேற்கொள்ளப்பட்டுள்ளது.

திருகோணமலை குச்சவெளி இறக்கக்கண்டி, நான்காம் வட்டாரம் பகுதியில் தம்பதியினர் மீது கோடரியால் தாக்குதல் மேற்கொள்ளப்பட்டதை அடுத்து ஒருவர் உயிரிழந்துள்ளார்.

இந்த கோடரித் தாக்குதலில் காயமடைந்த கணவரும் மனைவியும் வைத்தியசாலையில் அனுமதிக்கப்பட்டதை அடுத்து, 55 வயதான கணவர் உயிரிழந்துள்ளதாக பொலிஸார் தெரிவித்துள்ளனர்.

இந்தச் சம்பவத்தில் உயிரிழந்தவரின் சடலம் நிலாவெளி வைத்தியசாலையில் வைக்கப்பட்டுள்ளது காயமடைந்த பெண், திருகோணமலை வைத்தியசாலையில் சிகிச்சை பெற்று வருகின்றார்.

குடும்பத் தகராறு காரணமாக, குறித்த வீட்டில் தங்கியிருந்த 65 வயதான ஒருவரே தம்பதியினரை கோடரியினால் தாக்கியதாகவும் பொலிஸார் குறிப்பிட்டுள்ளனர்.

இந்த தாக்குதல் சம்பவம் தொடர்பில் குச்சவெளி பொலிஸார் விசாரணைகளை மேற்கொண்டு வருகின்றனர்.

லீலன்

Add comment

Recent Posts

%d bloggers like this: