தமிழ்லீடர்

திருகோணமலையில் கடற்படை தளங்களை அமைப்பதற்கு பிரிட்டன் ஆர்வம் காட்டுகின்றது.

ஐரோப்பிய ஒன்றியத்திலிருந்து வெளியேறிய பின்னர் ஆசியாவில் தளங்களை அமைப்பதற்கு திட்டமிட்டுள்ள பிரிட்டன் திருகோணமலையில் கடற்படை தளத்தை அமைப்பது குறித்து அதிக ஆர்வம் கொண்டுள்ளது என தகவல்கள் வெளியாகியுள்ளன.

மேலும் தென்னாசியாவில் கடற்படை தளங்களை அமைப்பதற்கு பிரிட்டன் ஆர்வம் கொண்டுள்ளதை அந்த நாட்டின் வெளிவிவகார அமைச்சர் ஜெரெமி ஹன்ட் சுட்டிக்காட்டியுள்ளார் எனவும் இலங்கையின் திருகோணமலை, மாலைதீவு அல்லது சிங்கப்பூரில் தளத்தை அமைப்பதற்கு அவர்கள் ஆர்வமாகவுள்ளார்கள் எனவும் தகவல்கள் வெளியாகியுள்ளன.

மேற்படி ஐரோப்பிய ஒன்றியத்திலிருந்து வெளியேறிய பின்னர் தனது சர்வதேச அந்தஸ்தினை தக்கவைத்துக்கொள்வதற்காக தென்னாசிய நாடுகளிலும் மேற்கிந்திய தீவுகளிலும் கடற்படை தளங்களை அமைப்பது குறித்து பிரிட்டன் ஆராய்ந்து வருகின்றது.

எனினும் ஐரோப்பிய ஒன்றியத்திலிருந்து வெளியேறிய பின்னரும் பிரிட்டன் உலகில் உயர்ந்த நிலையிலேயே காணப்படும் என பிரிட்டனின் பாதுகாப்பு அமைச்சர் தெரிவித்துள்ளார் என டெலிகிராவ் செய்தி வெளியிட்டுள்ளது.

இதேவேளை இலங்கைக்கான பிரிட்டனின் தூதரக அதிகாரிகள் இந்த தகவலை மறுத்துள்ளனர்.

இலங்கையுடன் பிரிட்டனிற்கு அவ்வாறான ஏற்பாடுகள் இல்லை என பிரிட்டனின் தூதரக அதிகாரிகள் தெரிவித்துள்ளனர்.

பிரிட்டன் பாதுகாப்பு மற்றும் வெளிவிவகார விவகாரங்களில் சர்வதேச அளவில் தொடர்ந்தும் முக்கிய சக்தியாக விளங்கும் என குறிப்பிட்டுள்ள அவர் ஆனால் இலங்கையில் படைதளங்களை அமைக்கும் எண்ணமில்லை என தெரிவித்துள்ளனர். 

லீலன்

Add comment

Recent Posts

%d bloggers like this: