தமிழ்லீடர்

மட்டக்களப்பு-கல்லடி பகுதியில் சடலம் மீட்பு!

மட்டக்களப்பு- கூழாவடி திஸ்ஸவீர சிங்கம் சதுர்க்கத்தைச் சேர்ந்த 55 வயதுடைய இரண்டு பிள்ளைகளின் தந்தையான சிவபாதசுந்தரம் சிவசீலன் என்பவரே இவ்வாறு சடலமாக கண்டெடுக்கப்பட்டுள்ளார்.

மேற்படி மட்டக்களப்பு, கல்லடி பகுதியில் நிர்மாணிக்கப்பட்டுவரும் கட்டடப் பகுதியிலிருந்து இரண்டு பிள்ளைகளின் தந்தை ஒருவர் சடலமாக இன்று (வெள்ளிக்கிழமை ) காலை கண்டெடுக்கப்பட்டதாக காத்தான்குடி பொலிஸார் தெரிவித்தனர்.

சம்பவத்தில் உயிரிழந்தவர் குறித்த கட்டடத்தில் காவலாளியாக கடமையாற்றி வந்துள்ளார் எனவும் வழமைபோல நேற்று இரவு கடமையில் ஈடுபட்டுவந்த நிலையில், இன்று காலை சடலமாக கண்டெடுக்கப்பட்டுள்ளதாகவும் பொலிஸார் தெரிவித்துள்ளனர்.

மேலும் சம்பவத்தில் உயிரிழந்தவரின் உடல், பிரேத பரிசோதனைக்காக மட்டக்களப்பு போதனா வைத்தியசாலையில் வைக்கப்பட்டுள்ளதாக அங்கிருந்து கிடைக்கும் தகவல்கள் தெரிவிக்கின்றன.

இந்நிலையில் சம்பவம் தொடர்பான மேலதிக விசாரணையை காத்தான்குடி பொலிஸார் மேற்கொண்டு வருகின்றமையும் குறிப்பிடத்தக்கது.

லீலன்

Add comment

Follow us

Don't be shy, get in touch. We love meeting interesting people and making new friends.

Most popular

%d bloggers like this: