தமிழ்லீடர்

வவுனியாவில் வாள்வெட்டு தாக்குதல்!!!-அச்சத்தில் மக்கள்!!!

வவுனியா நெளுக்குளம் பகுதியில் இன்று அதிகாலை 3.00 மணியளவில் வாள்வெட்டு தாக்குதல் இடம்பெற்றுள்ளது.அதில் ஒருவர் படுகாயமடைந்துள்ளார்.

மேற்படி நபர்,தட்டாங்குளம் பகுதியிலிருந்து வவுனியா நோக்கி பயணித்துக் கொண்டிருந்த போதே அதிகாலை 3.00 மணியளவில் முகத்தினை மறைத்துக்கொண்டு பற்றைக்குள் பதுங்கி நின்ற இருவர் அவர் மீது சரமாரியாக வாள்வெட்டு தாக்குதல் மேற்கொண்டு விட்டு தப்பித்து சென்றுள்ளனர்.

மேலும் வாள்வெட்டு தாக்குதலில் படுகாயமடைந்த நபர் சிகிச்சைகளுக்காக வவுனியா மாவட்ட பொது வைத்தியசாலையில் அனுமதிக்கப்பட்டுள்ளார்.எனவே செட்டிக்குளம் தட்டாங்குளம் பகுதியினை சேர்ந்த 27 வயதுடைய நவசுதர்சன் என்ற நபரே படுகாயமடைந்த நிலையில் வைத்தியசாலையில் அனுமதிக்கப்பட்டுள்ளதாகவும் அவரின் இரு கால் மற்றும் வலது கையில் பாரிய வெட்டுக்காயங்கள் காணப்படுவதாக வைத்தியாலை வட்டாரங்கள் தெரிவிக்கின்றன.

மேலும் இச் சம்பவம் தொடர்பான மேலதிக விசாரணைகளை நெளுக்குளம் பொலிஸாருடன் இணைந்து வவுனியா பொலிஸார் மேற்கொண்டு வருவதுடன் யாழ்ப்பாணத்தினை தொடர்ந்து வவுனியாவிலும் வாள் வெட்டு கலாச்சாரம் தொடங்கியுள்ளமை பொதுமக்கள் இடையே பாரிய அச்சத்தினை ஏற்படுத்தியுள்ளது.

லீலன்

Add comment

Recent Posts

%d bloggers like this: